Vive la Magia jaialdia Donostiara itzuliko da urtarrilaren 3tik 6ra, eta aurten ere programazio zabala eta anitza eskainiko du, haurrentzako eta familia osoarentzako ikuskizunekin batera helduentzako proposamen bereziak ere barne. Urteko lehen kultur hitzordu magiko nagusienetako bat bilakatzen ari da.

Programazioa Donostia Kulturaren eskaintzaren parte da, eta SuperAmararen laguntza du.

PROGRAMAZIOA

Urtarrilak 3 – Los Increíbles de Alfred Cobami

16:30 eta 20:00 | Gaztelaniaz | 36€ / 32€ / 28€
Hasiera handiko gala, publiko zabal eta familiar guztientzat aproposa: ihesaldi ikusgarriak, magia poetikoa, ahots-gorputz teknika, itzal-antzerkia, kalkulu mentala eta body music.
Parte hartzaileak: Alfred Cobami, Miguel Muñoz, Celia Muñoz, José Bono, Shadowman eta Rodri Ritmos.

Urtarrilak 4 – Burbuja (7 Burbujas konpainia)

12:00 | Gaztelaniaz | 22€
Haur eta familia publikoarentzat egokia. Barre, magia bisuala eta xaboi-pompen edertasuna uztartzen dituen ikuskizun zoragarria.

Urtarrilak 4 – Anthony Blake

19:30 | Gaztelaniaz | 28€ / 26€ / 22€
Helduentzako proposamena. Mentalismo intimista eta erabateko gertutasuna, inoiz bi aldiz berdin gertatzen ez den esperientzia batean.

Urtarrilak 5 – Concierto para Baraja y Piano (Opus Pocus Nº1)

19:30 | Gaztelaniaz | 28€ / 26€ / 22€
Magomigueren eta Paz Sabater piano-jotzailearen arteko musika eta karteen magia uztartzen dituen ikuskizun artistiko eta emozionala.
Publiko heldu eta orokorrarentzat gomendatua.

Urtarrilak 6 – Sentsazioak (Hodei Magoa)

18:00 | Euskaraz | 22€
Familia osoarentzako ikuskizuna. Teknologia berrien eragina umorez eta ilusionismo handiz aztertzen duen proposamena, Errrege egunerako aproposa.

Guztiontzako jaialdia

Jaialdiak honako hauek uztartzen ditu:

• Familia eta haurrentzako ikuskizun magikoak.
• Helduentzako proposamen berezi eta artistikoak.
• Nazioarte mailako artista nagusiak eta Estatuan ia ikusteko modurik ez dagoen formatuak.

Sarrerak

Eskuragarri Donostia Kulturaren ohiko kanaletatik eta Victoria Eugenia antzokiko txarteldegian.