
|
RODRIGO LEAO... eta EMAKUMEAK IZARAPEAN
2007.eko Maiatzak 1
Rodrigo Leao portugaldar musikariak sortutako "Pasión" abestia, TANTTAKA TEATROA konpainiaren "Emakumeak izarapean" antzerki lanaren musika pieza nagusia da. Lurdes Bañuelos eta Mireia Gabilondok idatzitako eta azken honek zuzendutako lan honek emakume ezberdinek sexuari buruz dituzten irrika eta desirak ditu mintzagai... Rodrigo Leaok konposaturiko tango hori entzuten den bitartean ("ay, abrázame esta noche...")
RODRIGO LEAO eta LUDOVICO EINAUDI- italiar pianista, bere herriko zinemako soinu-banda ederren sortzaile eta mota guztietako generoen esploratzaile- bira bat eskaintzen ari dira oraintxe bertan. Baina ez daude bakarrik, musikari handiz lagunduta baizik: haiekin batera dira Ana Vieira (ahotsa), Marco Décimo (biolontxeloa), Viviena Toupikova (biolina) eta Celina Piedade (akordeoia). Munduari bira emateko aukera paregabea dugu, topaketa guztiz berrian, bi jenio hauen unibertso partikularren bitartez. |